Ruschein
| Ruschein | |
|---|---|
 Blazono de Ruschein | |
 Ruschein | |
| Kantono | Grizono |
| Distrikto | Surselva |
| Komunumaro | Ilanz |
Koordinatoj | 46°47′13″N 9°11′24″O / 46.78694°N, 9.19°O / 46.78694; 9.19 (Ruschein)Koordinatoj: 46°47′13″N 9°11′24″O / 46.78694°N, 9.19°O / 46.78694; 9.19 (Ruschein) |
| Nombro de enloĝantoj | 360 |
| Areo | 12,56 km² |
| Alteco | 1155 m super marnivelo |
| Poŝtkodo | 7154 |
| Komunumkodo | 3580 |
 Mapo de Ruschein | |
Enhavo
1 Pri la komunumo
2 Geografio
3 Najbaraj komunumoj
4 Lingvoj
5 Trafiko
6 Historio
7 Notoj kaj referencoj
8 Eksteraj ligiloj
Pri la komunumo |
Ruschein estas komunumo de la komunumaro Ilanz kaj la distrikto Surselva en Kantono Grizono, Svislando. Ĝi havis 360 loĝantojn je la 31-a de decembro 2009.
Geografio |
Ruschein situas norde de Ilanz ĉe la norda flanko de la valo de Antaŭa Rejno. En nordo la komunumo etendiĝas ĝis al Vorab-Glaĉero en la Glarusaj Alpoj. Al la komunumo apartanas krom la vilaĝo Ruschein mem (de sudo al nordo) la setlejoj La Caglia, Encavridas, Ampalas kaj la alpopaŝtejo Alp da Ruschein.
Najbaraj komunumoj |
La komunumo Ruschein limas en nordo al Glaruso Sudo (Kantono Glaruso), en nordnordoriento al Falera, en nordoriento al alpopaŝtejo ekskalva de Ladir, en orientnordoriento al alpopaŝtejo eksklava de Schnaus, en oriento al Ladir, en sudoriento al Schluein, en sudo al Ilanz, en sudokcidento al Schnaus, kaj en okcidento al Siat.
Lingvoj |
La plimulto de la loĝantaro de Ruschein parolas la romanĉan lingvon.
Trafiko |
Ruschein situas flanke de la gravaj trafikvojoj. La komunumo atingeblas per kurboriĉa flanka vojo, kiu en Ilanz deflankiĝas de la kantona ĉefvojo n-ro 19. Per la poŝtaŭtolinio de Ladir al Ilanz la komunumo estas konektita al la publika transportreto.
Historio |
La unua dokumenta mencio de Ruschein datiĝas el la jaro 765 kiel Rucene. En la regiono de la burgruino Frauenberg ekzistas prahistoria kulturcentro kun menhiroj, ujoŝtonoj kaj trovaĵoj el la bronzepoko. La burgo Frauenberg estis en la 13-a kaj 14-a jarcento la sidejo de la samnomaj baronoj. Ruschein dum la 15-a ĝis al 18-a jarcento estis konektita kun Ladin kaj Schnaus kiel najbararo. En la jaro 1851 estis fonditaj la komunumoj Ladir, Ruschein kaj Schnaus.
[1]
Notoj kaj referencoj |
↑ Fonto: Adolf Collenberg: Ruschein en Historia Leksikono de Svislando (2010-11-24)
Eksteraj ligiloj |
- Oficiala retejo de la komunumo Ruschein
Ruschein en la Historia Leksikono de Svislando germane france itale
- Vidu ankaŭ en la Vikimedia Komunejo la kategorion Ruschein – (Kolekto de bildoj kaj plurmediaj dosieroj)
| ||||||
