Bxdty

Szentendre
urbo
Preĝejo Blagovesztenszka
Flago	Blazono
Administrado
Lando	Hungario
Regiono	Meza Hungario
Departemento	Pest
Poŝtkodo	2000, 2001
Telefona antaŭkodo	(+36) 26
Kodo laŭ KSH	15440
Retpaĝaro	www.szentendre.hu
Politiko
Urbestro	Miklós Verseghi-Nagy (Fidesz[1])
Demografio
Loĝantaro	25 542  (1-a de januaro 2015)[2]
Loĝdenso	587,04 loĝ./km²
Geografio
Geografia situo	47° 40′ N, 19° 5′ O47.66527777777819.0775Koordinatoj: 47° 40′ N, 19° 5′ O
Alto	110 m [+]
Areo	43,82 km² (4 382 ha)
Horzono	Mezeŭropa tempo [+]
DEC Situo de Szentendre
DEC Situo de Szentendre
Alia projekto
Vikimedia Komunejo Szentendre [+]
v • d • r

Szentendre [sentendre] estas urbo en Hungario en regiono Meza Hungario, en departemento Pest, en Distrikto Szentendre, kies centro ĝi estas. La loknomo signifas: Sankta Andreo.

Aerfoto pri Szentendre

Geografio |

Szentendre situas en dekstra bordo de Danubo. Dum la reĝlando la komunumo estis konsilantrajta urbo.

Urbomezo de Szentendre

Szentendre estas malnova, vere pitoreska historia urbeto en Hungario. Kun romantikaj stratoj kaj placoj – pro tio paradizo de pentristoj kaj aliaj artistoj – prezentas ankaŭ rigardindajn preĝejojn, kaj malnovan romkatolikan el la 13-a jarcento kaj serbortodoksajn i.a. kun admirinda ikonostazo. Plurcentoj da serbaj familioj rifuĝintaj antaŭ la turka regado ekloĝis ĉi tie en 1690 kaj fondis tre viglan ekonomian kaj kulturan centron por si, kies ĉarmaj karakterizaj trajtoj daŭre videblas. La Muzeo de la Serba Eklezio montras grandan trezoron de la ortodoksa eklezia arto, dum la publikon amase altiras famaj riĉaĵoj de la ceramika muzeo de Kovács Margit, de la galerioj de Béni Ferenczy, Béla Czóbel, Jenő Barcsay, Varga, elstaraj modernaj pentristoj, same la Parkmuzeo de Skulptaĵoj.

Interesa vidindaĵo ĝojigas tiun, kiu grimpas al Preĝeja monteto (Templom domb) sur la kruta, kurba vojeto, oni povas vidi, ke la tutaĵo de la ŝajne ne orde konstruita urbeto montras pitoreskan, ĉarman harmonion.

En la ekstera parto de la urbo estas trovebla la konstante riĉigata Subĉiela Etnografia Muzeo.

Pliaj vidindaĵoj |

• Urbodomo de Szentendre


• Preĝejo de Johano Baptisto (Szentendre)


• Preĝejo de Ave Maria (Szentendre)


• Katedralo Ĉieliro de Maria (Szentendre)


• Artistkolonio (Szentendre)

Vidindaĵoj en la ĉirkaŭaĵo |

Aliflanke de Danubo situas la 22 km longa insulo Szentendre-insulo (Szentendrei-sziget), sur kiu troviĝas vilaĝoj kaj tre ŝatataj ripozejoj, kampadejoj. Ofta ŝiptrafiko ligas ilin precipe al la ĉefurba loĝantaro. Sed ripozejoj abunde troviĝas ankaŭ sur la Danub-flanko, norde de Szentendre: Leányfalu estas vilaĝo, kies deklivoj donas lokon al multaj ripozhoteloj kaj aro de vilaoj. Mediteranea klimato ĉe la orientaj deklivoj de la Piliŝ-montaro ebligas veran ĝardenkulturon kaj frukto-kultivadon. Varmakva strandbanejo allogas apud la ŝoseo, kaj ne nur dum varmaj tagoj.

Ĉe Tahi-Tótfalu ponto arkas super la rivero al la insula parto de la vilaĝo. Kaj tie, kaj en la sekva vilaĝo, Dunabogdány, ripozhoteloj kaj vilaoj dense troviĝas kaj ĉe la riverbordo, kaj sur la mildaj deklivoj. La abrupta vidaĵo de granda ŝtonminejo, kiu kvazaŭ malaperigas tutan monteton
(Csűdi), aspektas eble iom fremde; la pavimoj de Budapeŝto originas el tiu ĉi surfaca minejo.

Famuloj |

• En Szentendre naskiĝis kaj mortis Xavér Ferenc Stéger hungara-germana-kroata operkantisto.


• En Szentendre naskiĝis:
  
  
  
  • 
    skulptistoj Béni Ferenczy, Noémi Ferenczy, György Holdas kaj Pál Deim
    
  
  
  • 
    biologo Péter Somogyi
    
  
  
  • 
    kemiisto Gábor Vastagh
    
  
  
  • 
    ministro Iván Altomáré
    
  
  
  • 
    pentristo Imre Kocsis.
  
  
  
  


• En Szentendre mortis:
  
  
  
  • Emil Ábrányi (pli juna)
  
  
  • 
    aktoro Pál Rakodczay
    
  
  
  • 
    kuracisto Kálmán Tellyesniczky
    
  
  
  • 
    inĝeniero-oficiro József Petzelt
    
  
  
  • pentristoj Miklós Bánovszky, Tibor Boromisza, Ferenc Doór kaj János Pirk
    
  
  
  • Béla Balogh (reĝisoro)
  
  
  • 
    skulptistoj József Engelsz, Erika Ligeti kaj Zoltán Szentirmai.
  
  
  
  

Referencoj |

Vidu ankaŭ |

• BHÉV

Eksteraj ligiloj |