Keszthely
Larĝa panoramo de Keszthely
| Keszthely | |||
|---|---|---|---|
| urbo | |||
 Urbocentro  Festetics-kastelo | |||
| |||
| Blazono | |||
| Administrado | |||
Lando | Hungario | ||
Regiono | Okcidenta Transdanubio | ||
Departemento | Zala | ||
Distrikto | Keszthely | ||
Adreso | Fő tér 1 8360 Keszthely | ||
Poŝtkodo | 8360 | ||
Telefona antaŭkodo | (+36) 83 | ||
Kodo laŭ KSH | 18421 | ||
Retpaĝaro | www.keszthely.hu | ||
| Politiko | |||
Urbestro (ekde 2012) | Ferenc Ruzsics (Fidesz[1]) | ||
| Demografio | |||
Loĝantaro | 20 116 (1-a de januaro 2015)[2] | ||
Loĝdenso | 275,01 loĝ./km² | ||
| Geografio | |||
Geografia situo | 46° 46′ N, 17° 15′ O46.76666666666717.25Koordinatoj: 46° 46′ N, 17° 15′ O | ||
Areo | 75,98 km² (7 598 ha) | ||
Horzono | Mezeŭropa tempo [+] | ||
| |||
| |||
| Alia projekto | |||
 Vikimedia Komunejo Keszthely [+] | |||
Keszthely (kesthej) estas urbo en Hungario, en regiono Okcidenta Transdanubio, en departemento Zala, en Distrikto Keszthely, kies centro estas.
Interna parto de Keszthely
Enhavo
1 Geografio
2 Historio
3 Famuloj
4 Famaj nomportantoj
5 Vidindaĵoj
6 Vidu ankaŭ
7 Esperanto
8 Referencoj
Geografio |
Keszthely situas sur ebenaĵo, ĉe okcidenta bordo de Balatono, fine de fervojoj Budapeŝto-suda Balatono kaj Budapeŝto-norda Balatono, krome estas loke haveno, krome flughaveno en la proksima Sármellék. Aŭtoŝoseo M7 Budapeŝto-Adriatiko estas ne tro for.
Ĉe la urbo fluas la rivero Zala, kiu tie alfluas la lagon Balatono ĉe Fenékpuszta [loka areo]. Tie staris en la romia epoko la urbo Valcum. Oni elfosis ĉe Fenékpuszta hunajn kaj avarajn trovitaĵojn. Keszthely mem estis grava stacio de komerca vojo inter Italio kaj Buda ekde la Arpad-epoko. La gotikstilan, plebanian preĝejon - konstruitan en 1386 -, oni transformis dum la turka epoko al fortikaĵo. La turkoj neniam okupis la fortikaĵon de Keszthely.
Historio |
La komunumo graviĝis ekde 1739 kiel centro de la Festetics-bieno [feŝtetiĉ]. La plej elstara familiano estis György Festetics (politikisto), kiu fondis en 1797 la Georgikon-on (ĝi estis la unua regula ekonomia lernejo de Eŭropo), juran antaŭulon de la hodiaŭa Agrarscienca Universitato Pannon. Li iniciatis ankaŭ en 1817 la Helikon-festojn, kiujn oni organizas eĉ hodiaŭ kiel renkontiĝon de transdanubiaj studentoj.
La kastelo Festetics estas la plej grava kultura heredaĵo de la balatonsupra areo. Ĝi estis konstruita en 1750, en baroka stilo kaj estis plilarĝita inter 1883 kaj 1887 en eklektika stilo. Tiam konstruiĝis eĉ la Keszthely-karakteriza turo. En la malnova parto de la kastelo troviĝas la 70.000-voluma Helikon-biblioteko kun kelkaj raraĵoj kaj la plej kompleksa librokolektaĵo pri Balatono. Famas en la urbo ankaŭ la Balaton-muzeo kaj la Georgikon-bienmuzeo.
Ekde fino de la 19-a jarcento, Keszthely iĝis grava baneja centro de la Balatono (menciindas, ke la kuracbanejo Hévíz troviĝas nur je 6 km).
La komunumo estis ĝis 1954 grandvilaĝo, inter 1950 kaj 1979 apartenis ĝi al departemento Veszprém, poste al Zala.
Karmelana Baziliko omaĝe al Terezo el Lisieux en Keszthely
Festetics-kastelo
Famuloj |
- en Keszthely naskiĝis kaj mortis:
pastro Dezső Bita
- en Keszthely naskiĝis:
aktoroj Lajos Básti, János Horkai kaj Mária Kovács
- cirkisto József Richter
fizikisto Endre Sándor
geografo Béla Bulla
generalo Lajos Asbóth
- József Horváth (inĝeniero)
inventisto Dávid Schwarz
kanoniko György Fejér
komponisto Károly Goldmark
kuracisto Soma Beck
operkantisto Boldizsár László
pentristoj Géza Perneczky kaj János Schadl
politikisto István Stadinger
primaso Kolos Vaszary
verkisto Ignác Nagy
- en Keszthely mortis:
agronomoj Adolf Érkövy, László Csíki, Gyula Sáringer, György Festetics (agronomo) kaj Sándor Belák
farmaciisto Gyula Magyary-Kossa
inĝenieroj Gábor Groffits kaj Endre Vladár
kanoniko Adolf Kunc
- militestro József Festetics
ornitologo Sándor Lovassy
pentristoj Piroska Péczely kaj Ferenc Szablya-Frischauf
poeto József Rájnis
Famaj nomportantoj |
Lajos Keszthelyi, fizikisto
Vidindaĵoj |
- Kastelo de Keszthely
- Karmelana Baziliko de Keszthely
- Preĝejo de Dipatrino de Hungaroj (Keszthely)
- Sinagogo en Keszthely
- Urbodomo de Keszthely
Vidu ankaŭ |
- Georgikon
Esperanto |
Estas delegito de UEA tie.
Referencoj |
↑ Keszthely települési választás eredményei (germane) (html). Országos Választási Iroda (2010-10-03). Alirita 2011-12-17.
↑ Magyarország közigazgatási helynévkönyve, 2015. január 1. (magyar és angol nyelven). Központi Statisztikai Hivatal, 2015. szeptember 3. (Hozzáférés: 2015. szeptember 4.)
