Distrikto Grafschaft Bentheim
| blazono | mapo |
|---|---|
 |  |
| Bazaj datumoj | |
Federacia lando: | Malsupra Saksio |
| Administra urbo: | Nordhorn |
| Areo: | 980 km² |
| Loĝantoj: | 135859 (fine de decembro 2017) |
Loĝdenso: | 137 po km² |
Aŭtokodo: | NOH |
Municipokodo: | 03456 |
| Komunumoj: | 26 |
| Situo ene de Malsupra Saksio | |
 | |
La distrikto Grafschaft Bentheim [GRAFŝaft BENThajm] (germane Landkreis Grafschaft Bentheim) - Grafschaft estas "graflando" - situas en la pleja okcidento de la federacia lando Malsupra Saksio, en la nordokcidento de Germanio. Administra centro estas la urbo Nordhorn, sed ĝian nomon la graflando havas de la urbo Bad Bentheim.
La distrikto havas areon de 980 km², kaj fine de decembro 2017 ĝi havis 135 859 loĝantojn. Okcidente la distrikto limas al Nederlando.
Geografio |
La regiono estas ebena, kaj ne nur laŭ pejzaĝo similas al la najbara Nederlando: ankaŭ kulture, arkitekture kaj laŭ lokaj kutimoj la influo de la najbara lando senteblas. La nordorientan limon de la distrikta teritorio konsistigas la rivero Emso, kiu fluas norden kaj dividas la teritorion de la urbo Lingen (en la najbara germania distrikto Emsland) oriente de la rivero. Krome la distrikton kaj inter alie ties komunumojn Ohne, Schüttorf, Nordhorn, Hoogstede kaj Emlichheim de sudoriento al nordokcidento trafluas la rivero Vechte, kies vojo post la distrikto daŭrigas sian vojon en Nederlando.
Rilatoj al Esperanto |
En la distrikta ĉefurbo Nordhorn ĝis la mezo de la 20-a jarcento ekzistis Esperanto-grupo, pri kiu atestas urba Zamenhofstrato, kun samnoma bushaltejo; en la strato situas unu el la urbaj mezlernejoj, tiel ke la strata nomo konatas inter la urbaj lernejanoj.
Inter la partneraj urboj de Nordhorn estas la urbo Malbork, germane Marienburg, en la regiono Pomerio de norda Pollando. La urbestro Meinhard Hüsemann de Nordhorn kun delegacio en 2002 kune kun la vicurbestrino de Malborko, d-rino Danuta Stanek Gutowska, en la esperantista "Parko de la Mondo" en Malborko inaŭguris Esperanto-memorŝtonon "ARBO DE PARTNERECO" kaj tie apude de la ŝtono plantis aceron.
skema mapo de la distriktaj komunumoj
En la urbo Lingen tuj oriente de la distrikta limo, markita per la rivero Emso, najbare al la distrikta komunumo Wietmarschen, ekde 2002 la esperantistino Dagmar Schütte estas profesorino pri komunikada scienco kaj studa dekanino ĉe faka altlernejo. Krome ekde 2011, la kuracisto kaj eksa esperantomovada motoro Thomas Pusch en tiu urbo gvidas konsultejon pri porinfana kaj -junula psikoterapio, kun multaj pacientoj el la graflando Bentheim, sed en la regiono pasigas nur parton de ĉiu semajno, ĉar lia familio vivas en suda Germanio. Sendepende de tio, en Lingen nun ekzistas la plej proksima loka Esperanto-grupo.
Eksteraj ligiloj |
- oficiala retaj paĝoj de la distrikto, germanlingvaj
| ||||||
| ||||||||||
