Maputalandaj-pondolandaj arbustaroj kaj veprejoj
Situo de la ekoregiono
Maputalanda-pondolanda-albena biodiverseco-riĉaĵejo.
La maputalandaj-pondolandaj arbustaroj kaj veprejoj estas tersupraĵa ekoregiono el la orientafrik-altaĵara ekoprovinco de la afrotropisa ekozono laŭ la tipologio de la Monda Natur-Fonduso (WWF). Biome la ekoregiono apartenas al montaraj herbejoj kaj arbustaroj de Sud-Afriko.
La ekoregiono estas parto de la maputalanda-pondolanda-albena biodiverseco-riĉaĵejo laŭ la organizaĵo Naturprotekto Internacie.
Enhavo
1 Priskribo
2 Flaŭro
3 Biodiverseco
4 Vidu ankaŭ
5 Eksteraj ligiloj
Priskribo |
La ekoregiono okupas la montetojn piede de Drakensbergoj, kovrante areon de 19 500 kvadrataj kilometroj en la sud-afrikaj provincoj Orienta Kablando kaj Kvazulu-Natalo. Oriente ĝi estas limigita de la marbordarbara mozaiko de Kvazulu-Kablando, kiu troviĝas en la humida marborda zono laŭlonge de Hinda Oceano; okcidente ĝi estas limigita de la pli altaĵaj drakensbergaj montaraj herbejoj, duonarbaroj kaj arbaroj. Sude ĝi transiras al pli sekaj veprejoj de Albany, kiuj estas karakterizitaj de pli sukulentaj kaj dornaj plantoj. La ekoregiono havas sekan subtropikan klimaton. Jara precipitaĵo varias ekde 450 mm ĝis 800 mm, kun proksimume tri kvaronoj de la pluvo falanta dum la varmaj someraj monatoj inter oktobro kaj marto. Frostoj malofte okazas kaŭze de la moderiganta influo de Hinda Oceano.
Flaŭro |
Fitogeografie, la ekoregiono kongruas kun aparta flaŭra provinco el la Usumbaro-Zululanda Regiono de la Paleotropika Regno. La tipa vegetaĵaro estas sklerofilaj ĉiamverdaj arbedoj, kiuj konstituas densajn kanopeojn de veprejoj. Tiuj ĉi altas ĝis ses metroj.
Biodiverseco |
La ekoregiono kiu estas transiro inter humida kaj seka, inter altaĵa kaj malaltaĵa inter mezvarma kaj tropika, havas riĉan biodiversecon, kvankam kun malmulte da endemiaj specioj. La ekoregiono gastigas variecon de bestioj, inkluzive de la endanĝerigataj nigra rinocero (Diceros bicornis), blanka rinocero (Ceratotherium simum) kaj kaba vulturo (Gyps coprotheres).
Vidu ankaŭ |
- Afromontano
- Albeno (Sud-Afriko)
- Ekologia klasifiko de la tersupraĵoj
- Konservada stato de ekoregiono
Afrotropisaj montaraj herbejoj kaj arbustaroj | |
|---|---|
| AT1002 Angol-eskarpaj savano kaj duonarbaroj |  Angolo |
| AT1004 Drakensbergaj montaraj herbejoj, duonarbaroj kaj arbaroj |  Lesoto,  Svazilando,  Sud-Afriko |
| AT1008 Etiopaj montaraj arbustetaroj |  Etiopio |
| AT1010 Jos-altebenaĵa arbara-herbeja mozaiko |  Niĝerio |
| AT1012 Maputalandaj-pondolandaj arbustaroj kaj veprejoj | Sud-Afriko |
| AT1013 Ruvenzoriaj-virungaj montaraj arbustetaroj |  Demokratia Respubliko Kongo,  Ruando,  Ugando |
| ||||||||||||||||||||||
Eksteraj ligiloj |
angle Ekoregiono AT1012 : Maputalandaj-pondolandaj arbustaroj kaj veprejoj (WWF)
angle Maputalandaj-pondolandaj arbustaroj kaj veprejoj (WWF-Wildworld)
angle Maputalandaj-pondolandaj arbustaroj kaj veprejoj (Wildworld) - Nacia Geografia Societo
angle Maputalandaj-pondolandaj arbustaroj kaj veprejoj (The Encyclopedia of Earth)
angle Maputalandaj-pondolandaj arbustaroj kaj veprejoj (Globalspecies)
angle Situo de la ekoregiono : tajpu Maputaland-Pondoland bushland and thickets
angle Maputalanda-pondolanda-albena biodiverseco-riĉaĵejo (Conservation International)
angle Maputalanda-pondolanda-albena biodiverseco-riĉaĵejo (CEPF)
angle Maputalandaj-pondolandaj arbustaroj kaj veprejoj (Routes)
