Svedio-Norvegio
Svedio-Norvegio | ||||||||||||||
| Origina nomo | Svensk-norska unionen Unionen mellom Sverige och Norge | |||||||||||||
| ||||||||||||||
|
| |||||||||||||
Geografio | ||||||||||||||
| Ĉefurbo: | Stokholmo | |||||||||||||
Loĝantaro | ||||||||||||||
Nacia konsisto: | svedoj, norvegoj | |||||||||||||
Lingvoj: | sveda, norvega | |||||||||||||
Religio: | Luteranismo | |||||||||||||
Ŝtat-strukturo | ||||||||||||||
Ŝtat-strukturo: | monarĥio (persona unio de du reĝlandoj) | |||||||||||||
Estiĝo: | Traktato de Kiel: Svedio ricevis Norvegion kiel rekompenco de perdita Finnlando | |||||||||||||
Pereo: | sendependiĝo de Norvegio | |||||||||||||
| ||||||||||||||
Svedio-Norvegio, aŭ la sved-norvega unio, plennome La Unuiĝintaj Reĝlandoj Svedio kaj Norvegio, svede Förenade konungarikena Sverige och Norge, norvege De forenede Kongeriger Norge og Sverige, estis internacijure fiksita persona unio de la du reĝlandoj Svedio kaj Norvegio en la periodo 1814–1905.
La unio ekestis el la Traktato de Kiel la 14-an de januaro 1814 kaj el la posta interkonsento de Moss kaj estis konfirmita per revizio de la norvegia konstitucio en 1814 kaj per sveda leĝo 1815. La unio estis kompromiso inter la norvegia sendependemo, esprimita en la konstitucio de Eidsvoll (de la 17-a de majo 1814, pro kio la 17-a de majo estas norvega nacia tago), kaj la svedia regemo super Norvegio, kiel rekompenco por la perdita Finnlando kaj la al Danio fordonita Sveda Pomerio.
La unio ne estis propra ŝtato; Svedio kaj Norvegio restis du apartaj ŝtatoj, kun apartaj leĝaroj, parlamentoj kaj registaroj, sed havis komunan reĝon.
Nur pri internaciaj rilatoj decidis sole la sveda registaro, tiel la du ŝtatoj eksterlande impresis kvazaŭ unu sola, pligrandigita sveda ŝtato.
Flagoj |
Sveda unia flago (1844–1905)
Norvega unia flago (1844–1899)
Reĝoj de Svedio-Norvegio |
La reĝoj nomataj Karlo havas malsamajn numerojn en la du reĝlandoj:
Karlo la 13-a de Svedio
estas samtempe
Karlo la 2-a de Norvegio, kaj tiel plue.
| Nomo en Svedio | Nomo en Norvegio | Jaroj | Dinastio | Rimarkoj |
|---|---|---|---|---|
Karlo la 13-a | Karlo la 2-a | 1814–1818 | Holstein-Gottorp | Ekde 1809 reĝo de Svedio |
Karlo la 14-a Johano | Karlo la 3-a Johano | 1818–1844 | Bernadotte | |
Oskaro la 1-a | Oskaro la 1-a | 1844–1859 | Bernadotte | |
Karlo la 15-a | Karlo la 4-a | 1859–1872 | Bernadotte | |
Oskaro la 2-a | Oskaro la 2-a | 1872–1905 | Bernadotte | Ĝis 1907 reĝo de Svedio |
Vidu ankaŭ |
- Nordio
- Reĝoj de Svedio
- Reĝoj de Norvegio
