Ryszard Kaczorowski
Prezidanto de Pola Respubliko Ryszard Kaczorowski | |
 | |
Prezidanto de Pollando | |
Transprenanta oficon la 19-an de julio 1989 | |
| Venanta post | Kazimierz Sabbat |
|---|---|
| Naskiĝo | 26-a de novembro 1919 en Bjalistoko |
| Morto | 10-a de aprilo 2010 en apud Smolensk |
| Nacieco | polo |
| Edz(in)o | Karolina Kaczorowska |
Ryszard KACZOROWSKI 
aŭskultu blazono Jelita (naskiĝis la 26-an de novembro 1919 en Bjalistoko, mortis la 10-an de aprilo 2010 en Smolensk) estis pola politikisto, socia aganto kaj skolto, komandanto de Grizaj Taĉmentoj en Bjalistoko en 1940, ekde 2009 skoltestro de Pola Respubliko, en la jaroj 1989-1990 pola prezidento en ekzilo en Londono (post morto de la antaŭulo Kazimierz Sabbat). Ryszard Kaczorowski estis la lasta prezidento de la Dua Pola Respubliko. La 22-an de decembro 1990 transdonis simbolojn de prezidanta potenco al Lech Wałęsa okaze de lia ĵura ceremonio en la Reĝa Kastelo en Varsovio. Li plenumis siajn devojn paralele al generalo Wojciech Jaruzelski, kiu oficis en Pollando.
Pereis en kraŝo de la pola aviadilo.
Ryszard Kaczorowski estas kavaliro de la Ordeno de la Blanka Aglo, la plej alta ŝtata honorigo de la Pola Respubliko.
Enhavo
1 Antaŭ la dua mondmilito
2 Morto, enterigo, elterigo
3 Memorigo
4 Vidu ankaŭ
Antaŭ la dua mondmilito |
Li devenis de nobela familio kaj estis pli juna filo de Wacław Kaczorowski kaj Jadwiga Sawicka. Edukiĝis hejme ĉe la str. Mazowiecka 7 en Bjalistoko. De juneco apartenis al skoltismo. Post konkero de la urbo de Ruĝa Armeo kunkreis Grizajn Taĉmentojn. Li estis kuriero inter ili kaj komandanto de la Asocio de Armita Batalado. La 17-an de julio 1940 estis arestita de NKVD kaj enprizonigita, ankaŭ en Minsko, kie post dufoja proceso la 1-an de februaro 1941 Supera Tribunalo de Belorusa Soveta Socialisma Respubliko mortpunis lin. Post cent tagoj la 10-an de majo juĝejo de Sovetunio ŝanĝis la verdikton al dek jaroj de gulago. Li estis forveturigitya al Kołyma (Magadana provinco de Jakutio), kie liberiĝis post subskribo de la pakto Sikorski-Majski. Marte 1942 eniris Polan Armeon en Sovetunio de generalo Anders. Li trairis batalan itineron de la 2-a Korpuso, batalante i.a. apud Monto Kasino.
Morto, enterigo, elterigo |
Ryszard Kaczorowski pereis flugante al la celebrado de la 70-a datreveno de Soveta Krimo en Katin. Malgraŭ grandaj detruoj de la aviadilo oni rapide malkovris lian kadavron. Ĉerko kun lia korpo alvenis al Pollando la 15-an de aprilo 2010 kaj estis publike prezentita en Belweder. La 19-an de aprilo Ryszard Kaczorowski estis entombigita kun honoroj en la Panteono de Grandaj Poloj de la varsovia Templo de Dia Providenco en Wilanów.
Oktobre 2012 prokurejo ordonis elterigon de la korpo de Ryszard Kaczorowski, ĉar post analizo de medicinaj dokumentoj liveritaj de la rusa flanko oni konkludis eblecon de eraro kaj ŝanĝon de korpoj. La 22-an de oktobro surloke kaj en Tombejo Powązki en Varsovio okazis du elterigoj. Poste la ĉerkoj kun la du viktimoj de la katastrofo estis transportitaj por esplorado al krakova Fako de Juĝa Medicino. Tie sekvis esplorado de la kadavroj helpe de komputila tomografio. Post tiu ĉi esplorado la korpoj estis prenitaj al Vroclavo, kie okazis sekco kaj esporoj de DNA. La esploroj konfirmis eraran identigon de la korpoj.
Denova funebra solenaĵo okazis la 3-an de novembro 2012 en la sama Templo de Dia Providenco.
Memorigo |
- Honora Civitano de Niepołomice, Malsupra Silezio, de Wadowice, Legionowo kaj Skierniewice
- Memortabuloj en Krosno, Częstochowa, Białystok, Vieno
- Promenejo, trafikrondoj, ĝardenparko en Gdynia, Świątniki Górne, Stalowa Wola, Piastów, Zakopane, Siedlce
- Maje 2011 okazis en Koszalin malkovro de komuna monumento al la prezidentoj Ryszard Kaczorowski kaj Lech Kaczyński
Vidu ankaŭ |
- Listo de prezidantoj de Pollando
| ||||||||||||||
