Chessel
| Chessel | |
|---|---|
 | |
Blazono de Chessel | |
| Kantono | Vaŭdo |
| Distrikto | Aigle |
Koordinatoj | 46°20′58″N 6°53′39″O / 46.34944°N, 6.89417°O / 46.34944; 6.89417 (Chessel)Koordinatoj: 46°20′58″N 6°53′39″O / 46.34944°N, 6.89417°O / 46.34944; 6.89417 (Chessel) |
| Nombro de enloĝantoj | 363 |
| Areo | 3,57 km² |
| Alteco | 379 m super marnivelo |
| Poŝtkodo | 1846 |
| Komunumkodo | 5403 |
 | |
Mapo pri la situo de Chessel en la Distrikto Aigle | |
Chessel estas komunumo en la distrikto Aigle en Kantono Vaŭdo, Svislando. Ĝi havis 363 loĝantojn je la 31-a de decembro 2011.
Enhavo
1 Geografio
2 Najbaraj komunumoj
3 Trafiko
4 Historio
5 Notoj kaj referencoj
6 Eksteraj ligiloj
Geografio |
La komunumo Chessel situas proksimume 5 kilometrojn norde de la Lago Lemano ĉe la orienta bordo de la rivero Rodano. Krom la vilaĝo Chessel al la komunumo apartenas la setlejo Grand Bois en nordoriento de la komunumo. En nordokcidento de la komunumo apud la riverbordo de Rodano situas golfludejo.[1]
La teritorio de la komunumo etendiĝas sur areo de 3,57 km², de kiuj 19,6% estas kovritaj de arbaro, 62,2% servas por agrikulturo kaj 10,9% por setlado.
[2]
Najbaraj komunumoj |
La komunumo Chessel limas en nordo al Noville, en oriento al Roche, en sudoriento al Yvorne, en sudokcidento al Vouvry, kaj en nordokcidento al Les Evouettes.
Trafiko |
Tra Chessel pasas la kantona ĉefvojo n-ro 144 de Renaz al Les Evouettes. La plej proksima alveturejo al la svisa aŭtovojo A9 situas tri kilometrojn sudoriente de la komunumo apud Villeneuve.
Historio |
La unua dokumenta mencio de Chessel datiĝas el la jaro 1364 kiel Chessey. Sub la preĝejo estis trovitaj restaĵoj de romia aŭ frumezepoka setlejo. Dum mezepoko la vilaĝo apartenis al la Subvoktejo Chillon kaj la familioj Pontverre kaj Châtillon tie posedis bienojn. Sub la berna regado de 1475 ĝis la Helveta Revolucio de 1798 en Chessel troviĝis tribunalo de la Voktejo Aigle. Ĝis la malfermo de la ponto en la jaro 1839 pramo trafikis trans Rodano.[3]
Notoj kaj referencoj |
↑ Fonto: Reta mapo 1:20000 de Swisstopo
↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
↑ Fonto: Jean-Jacques Bouquet: Chessel en Historia Leksikono de Svislando (2005-02-22)
Eksteraj ligiloj |
- Oficiala retejo de la komunumo Chessel
- Vidu ankaŭ en la Vikimedia Komunejo la kategorion Chessel – (Kolekto de bildoj kaj plurmediaj dosieroj)
| ||||||
