Bxdty

Gustav Henrik Backman
Personaj informoj
Naskiĝo	4-an de aprilo 1867 (1867-04-04)
Morto	14-an de julio 1928 (1928-07-14) (61-jara)
Ŝtataneco	Svedio
Profesio	esperantisto
Lingvoj	Esperanto
v • d • r

Gustav Henrik BACKMAN [bakman] (4-a de aprilo 1867 – 14-a de julio 1928 en Ramlösa Brunn) estis sveda esperantisto kaj kurac-gimnastikisto en Helsingborg.

Backman estis pioniro de Esperanto en Svedio. Speciale en la kriza tempo de la Ido-skismo en 1909 li nelacigeble agadis, konstante gvidis kursojn kaj propagandis ĉiumaniere. Li faris propagandan vojaĝon en Germanujo en 1909. Heroaj klopodoj por eldoni la gazeton Esperanto-Folket ("Esperanto-Popolo"), 1911-1912, aranĝo de la unua Skandinava Kongreso de Esperanto en Göteborg en 1918. Li verkis 4 lernolibrojn (la unuan en 1892) kaj tradukis La Konscienco Riproĉas de August Strindberg (1928).

Post la unua mondmilito aperis liaj vortaroj Esperanto-Sveda (1919, IV + 166 p.) kaj Sveda-Esperanta (1921, [2], 214 p.). La laste menciita restis la gvida tiuspeca ĝis la apero de la duoble pli ampleksa de Sam Owen Jansson, Frits Lindén kaj Birger Gerdman en 1934.

Literaturo |

• 
  1931: Jubileums-Matrikel - Jubilea Matrikulo 1931. Stockholm: Svenska Esperanto-Förbundet 1931, 123 p. kun multaj fotoj, foto de Backman sur p. 9

Eksteraj ligiloj |

• 
  Libroj de Gustav Henrik Backman en la Kolekto por Planlingvoj kaj Esperantomuzeo
  

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.