Palaco de la Nacio (Bruselo)
la Palaco de la Nacio en Bruselo, Belgio
La Palaco de la Nacio (nederlande Paleis der Natie, france Palais de la Nation, germane Palast der Nation) en la belga ĉefurbo Bruselo estas la sidejo de la federacia parlamento de la lando. Ambaŭ ĉambroj de la parlamento, la belga federacia Senato de Belgio kaj la federacia Ĉambro de Reprezentantoj kunvenas en la konstruaĵo.
La palaco inter la jaroj 1778 kaj 1783 konceptiĝis kaj konstruiĝis gvide de la arkitektoj Barnabé Guimard kaj Philippe-Jerôme Sandrié.
La nomo de la strato, en kiu troviĝas la Palaco de la Nacio, "Rue de la Loi" respektive "Wetstraat" ("strato de juro"), en la belgaj amaskomunikiloj ofte uziĝas kiel metonimio por la parlamento, la sidejo de la tutlanda registaro aŭ por la belga ŝtato entute.
Koordinatoj: 50° 50' 48" norde, 4° 21' 53" oriente
