Literatura Foiro
Literatura Foiro | |
 Kovrilpaĝo de la n-ro 281, Junio 2016 | |
| Speco | kultura revuo en Esperanto |
|---|---|
| Formato | A5 |
| Periodeco | dumonata |
| Lando |  Svislando |
| Urbo | La Chaux-de-Fonds |
| Posedanto | LF-koop |
| Ĉefredaktisto | Perla Martinelli |
| Establodato | 1970 |
| Lingvo | Esperanto |
| Prezo | 54 CHF jare |
| Stabo | Tomasz Chmielik Marie-France Conde Rey Carlo Minnaja Julian Modest István Nemere Bertil Nilsson Vinko Ošlak Fernando Pita Giorgio Silfer Walter Żelazny |
ISSN | ISSN 0393-2907 |
| Retejo | www.esperantio.net |
Literatura Foiro estas grava kultura revuo, la plej longe kaj senpaŭze aperanta en la historio de la Esperanto-literaturo. La revuo gastigas precipe beletron, sed ankaŭ muzikon, teatron, kinon, sociologion, lingvistikon, kulturpolitikon.
Enhavo
1 Enhavo
2 Historio
3 Referencoj kaj notoj
4 Ekstera ligilo
Enhavo |
En la revuo troviĝas kelkaj kutimaj rubrikoj, i.a.:
- “Memore pri„ – omaĝoj al verkistoj nelonge forpasintaj
- “En vitrino„ – recenzoj de aparte legindaj libroj
Krom tiuj rubrikoj aperas ankaŭ informoj pri bildliteraturo, teatro, filozofio, kino, sciencfikcio, esperantologio, leksikografio, literaturo el partoj de la mondo ktp.
Historio |
Literarura Foiro estis fondita en 1970 de la literatura rondo La Patrolo en Milano[1]. De tiam ĝi aperas regule ĉiun duan monaton (en 1987 eĉ pli ofte), kaj atingis la 298-an numeron en Aprilo 2019 (50-a jarkolekto).
Literatura Foiro estas delonge la plej kontinua kaj fakte la plej influa kultura revuo en esperanto: ĝi estas ankaŭ la plej longdaŭra, ĉar neniu literatura aŭ kultura revuo superis tridek jarkolektojn senpaŭze[mankas fonto].
La ĉefredaktoroj de LF estas:
1970–1980: Giorgio Silfer
1980–1995: Perla Martinelli
1996–2013: Ljubomir Trifonĉovski
2014: Carlo Minnaja
2015–2018: Zlatoje Martinov
2019–nuntempe: Perla Martinelli.
Ekde 1980 la revuo apartenas al la eldonejo LF-koop[1].
Kiel organo de Esperanta PEN-Centro ekde 1991, ĝi arigas ĉirkaŭ si plurajn verkistojn kaj publicistojn. Samtempe ĝi estiĝis la centro de la opinimovado “Raŭmismo„ kiu kondukis ĝis la Pakto por la Esperanta Civito.
Referencoj kaj notoj |
- ↑ 1,01,1Literatura Foiro. Alirita 2015-06-08.
Ekstera ligilo |
“Esperanto-gazetoj tra la tuta mondo: delonge ekzistantaj gazetoj„ ĉe YouTube
