Ponta kverko
 | ||||||||||||||
|---|---|---|---|---|---|---|---|---|---|---|---|---|---|---|
 Folioj de ponta kverko | ||||||||||||||
Biologia klasado | ||||||||||||||
| ||||||||||||||
Dunomo | ||||||||||||||
Quercus pontica K.Koch | ||||||||||||||
Aliaj Vikimediaj projektoj | ||||||||||||||
La ponta kverko (Quercus pontica) [1] estas specio de kverko hejma en okcidenta Kaŭkazo, la montaroj de Kartvelujo kaj nordorienta Turkujo kaj Armenujo, kie ĝi vegetas je altitudoj de 1 300-2 100 metroj.
Enhavo
1 Priskribo
2 Kultivado
3 Referencoj
4 Bibliografio
5 Vidu ankaŭ
6 Eksteraj ligiloj
Priskribo |
Ĝi estas decidua arbeto aŭ granda arbedo kiu atingas altecon de 6-10 metroj, kaj havas trunkodiametron ĝis 40 cm. La branĉoj estas malmultnombraj sed dikaj. La arboŝelo estas griza al purpura-bruna, glata ĉe junaj arboj sed estiĝanta malglata kiam la arboj maljunaĝas. Ĝiaj folioj longas 10–20 cm (malofte 35 cm) kaj larĝas 4-15, estas ovalaj kun segiligita rando kun multaj etaj pintaj dentoj. La folioj estas harkovrataj kiam ili estas junaj, sed iĝas pli glataj kiam ili maljunaĝas. Poste ili estiĝas hele verdaj kaj aŭtune flav-brunaj. La infloreskoj estas amentoj, la masklaj amentoj longas 5–20 cm. La fruktoj estas grandaj glanoj kiuj longas 2,5–4 cm, kaj kiuj estas arigataj 2-5-ope.
Kultivado |
Tiu palearktisa specio okaze estas kultivata kiel ornama arbo en Nordeŭropo.
Referencoj |
↑ David More, John White, The Illustrated Encyclopedia of Trees, (Timber Press Inc., 2002), 379.
Bibliografio |
angle Rushforth, K. D. Trees of Britain and Europe. Collins.
angle Coombes, A. J. Trees. Eyewitness Handbooks.
Vidu ankaŭ |
- Kaŭkaza biodiverseco-varmpunkto
Eksteraj ligiloj |
angle Ornamentaj plantoj de Rusujo: Quercus pontica
Ponta kverko en sia natura medio
Pont-kverka arbido
Amentoj
