Novosveto (Krimeo)
Urbotipa loĝloko en Aŭtonoma Respubliko Krimeo | ||||
Novosveto ruse Новый Свет ukraine Новий Світ krime-tatare Novıy Svet | ||||
  | ||||
Apartenas al: | Sudaka municipo, Novosveta komunumo | |||
Koordinatoj: | 44° 50′ N, 34° 55′ O44.82916666666734.912777777778Koordinatoj: 44° 50′ N, 34° 55′ O | |||
Averaĝa alto super la marnivelo: | ~50 m | |||
Loĝantaro: | 1 093 (laŭ 2001) | |||
Poŝtkodoj: | 98032 | |||
Telefonkodo: | +380-6566 | |||
Hor-zono: | UTC+3 | |||
Oficiala paĝaro nekonata | ||||
| ||||
Novosveto (ukraine Новий Світ, ruse Новый Свет, krime-tatare Novıy Svet) estas urbotipa loĝloko en la Sudaka municipo de Aŭtonoma Respubliko Krimeo (Ukrainio). La loĝloko situas en la sudorienta parto de la Krimea duoninsulo ĉe la Nigra maro kaj estas populara turisma kaj ripoza loko. En la loĝloko troviĝas la iama bieno de la princo Golicin (unu el la fondintoj de la Krimea vinprodukta industrio) kaj fama produktejo de ŝaŭm-vinoj.
Enhavo
1 Geografio
2 Historio
3 Nuntempo
4 Bildoj
Geografio |
La loĝloko situas ĉe la t.n. Verda kreko (Sudaq Liman) de la Nigra maro, en tre pitoreska parto de Krimeo. De ĉiuj flankoj (escepte de la mara) Novosveto estas ĉirkaŭita de montetoj ĝis 474 metrojn altaj. La montetoj ĉirkaŭ Novosveto estas kovritaj de juniperaj arbaroj kaj estas gardataj kiel botanika rezervejo.
Historio |
La loĝloko aperis fine de la XIXa jarcento danke al la klopodoj de princo Lev Golicin, kiu fondis ĉi tie la produktejon de ŝaŭm-vinoj. Komence la loĝloko nomiĝis Paradiz (Paradizo), tamen en la XXa jarcento ĝi estis alinomita Novij Svet (ruse - "la nova mondo"). Onidire, la nom-ŝanĝo okazis post la vizito de la caro Nikolao la Dua, kiu post gustumado de la lokaj vinoj deklaris, ke de nun li vidas la ĉirkaŭan mondon sub tute alia lumo (en la rusa lingvo la vortoj "lumo" kaj "mondo" estas homonimoj kaj aspektas same).
Nuntempo |
En la XXa jarcento la loĝloko evoluas ĉefe kiel ripoz-loko. La vin-produktado daŭre restas unu el la plej gravaj branĉoj de la loka ekonomio - la ĉefa entrepreno de la loĝloko estas la vin-uzino "Novosveto", kiu produktas multajn altnivelajn specojn de ŝaŭmvinoj. Krome, Novosveto allogas multajn vizitantojn pro la ĉirkaŭa bela naturo (montoj, kelkaj pentrindaj krekoj).
Bildoj |
La kabo Karaul-Oba
Junipera arbaro en Novosveto
Golicina pado
Muzika kaverno
Vin-konservejo en Novosveto
La loĝlokoj de la Sudaka municipo | |||
|---|---|---|---|
Urbo: | Sudako | ||
Urbotipa loĝloko: | Novosveto | ||
Vilaĝoj | Bogatovka • Daĉnoje • Gromovka • Gruŝevka • Ĥolodovka • Lesnoje • Meĵdureĉje • Morskoje • Perevalovka • Pribreĵnoje • Solneĉnaja Dolina • Veseloje • Voron | ||
Loĝloketo: | Mindalnoje | ||
| ||||||||||
