Gotika subkulturo
Ĉi tiu artikolo temas pri nuntempa subkulturo. Por aliaj signifoj vidu la paĝon Gotiko.
Gotika subkulturo estas esprimo aposteriore donita al postpunka malluma subgrunda emo, precipe muzika kaj estetika, rekte influita de gotika terura literaturo kaj romantikismo kiu ekaperis je la fino de la 1970-oj en okcidenta Eŭropo.
Dum punko estas sendube kunligita kun dadaismo kaj situaciismo, gotikuloj interesiĝas plivole al filozofio tiaj kiaj
okultismo, ekzistadismo aŭ nihilismo.
Forte influita de fantasto kaj fabeloj, sed laŭ romantika kaj nigra vidpunkto, la gotika subkulturo tuŝas multajn fakojn: Unue muzike (Sioŭsie and the Banshees, Joy Division, Bauhaus, Switchblade Symphony, The Cure) en kiu troviĝas mikso de metalroko kaj nova ondo, kun elementoj de tranco kaj industrio (vidu gotikan muzikon). Due literature, la nuntempa subkulturo entenas ĉiuj verkoj kiuj ricevis influon de la frua 19-jarcenta literaturo alternante inter romantikismo kaj hororo. Trie kine, ĝi inspiriĝis de la germana ekspresionista kino por formi ĝenron kies temo similas al la gotikaj libroj (Tim Burton, multaj b filmoj…) kaj ĉiaj aliaj artaj esprimformoj, kiel modo (vidu la Gothic lolitas aŭ Visual Kei). Tiu lasta aspekto estas aparte vigla en Japanio kaj Sud-Koreio.
Gotikuloj ofte (sed tute ne nepre) ornamas sin per malhelaj (aparte ledaj) vestaĵoj, arĝentaj ĵuveloj kaj korpaj alenaĵoj; kaj nigra ŝminko kaj harkolorigo, por alpreni palan, "hantitan" ŝajnon. Ĝi celas prezenti ellaboritajn stilojn kiuj povas tre diferenci laŭ la personoj, interalie kun punka, androgina aŭ historia emo (laŭ mezepoka, renesanca kaj aparte viktorina furoro).
Enhavo
1 Kromsignifo
2 Gotika literaturo
3 Gotika kino
4 Gotika muziko
5 Gotika modo
6 Piednotoj
7 Bildaro
8 Vidu ankaŭ
9 Eksteraj ligiloj
Kromsignifo |
Kvankam origine uzita far siaj amatoroj, la esprimo «gotiko» akiris rapide pejorativan sencon. Kiel la punkoj, kaj eble eĉ pli ol ili, gotikuloj emas nebuligi limojn, spurkonfuzi scivolemulojn kaj konservas ironion kaj duagradan humuron kiu povas esti volonte spitema, cele de sin diferencigi kaj sin defendi de korupteblecon. Tio rezultigis en ĝenerala kaj logika misinterpretado, ĉefe far amaskomunikiloj kiuj foje primokis tiajn «korvojn», samrangigis ilin kiel ano de sociminacanta sekto aŭ eĉ senhezite kulpigi ilin esti danĝeraj satanaj maliculoj prirespondantaj studentaj amasbuĉoj kiel tiu de Columbine. Tial, amatoroj kaj eĉ artistoj simbolaj de la gotika subkulturo rezignis uzon de tiu vorto kies signifo fariĝis tro kliŝa kaj kontestita.
|
Same, multaj artistoj fundamente gotikaj opinias la esprimon redukta, interalie Dead Can Dance:
|
kaj pli freŝdate The Dresden Dolls, per la voĉo de ĉefkantistino Amanda Palmer, nomis sin Breĥta kabareda punko ĉar ŝi estis terurigita ke komunikiloj aludos ilin per «frazoj inkluzivante la vorton gotiko».[3] Tiuj grupoj kaj ties admirantoj preferas ordigi sin en flankĝenroj, subĝenroj aŭ per rilataj terminoj kiuj, se pli preciza, estas eĉ pli malbone komprenebla de la profanoj.
|
Ankaŭ la fenomeno de t.n. «pseŭdogotikuloj» (goth wannabes en la angla) estas grava: tiel estas nomitaj adoleskantoj kiuj alprenas gotikan eksteraĵon, ofte la plej stereotipaj, kaj foje aŭskultas nigrevestitaj kantistojn (ĉu gotika ĉu ne) por ŝajni mojosa, dotita de forta personeco, sen interesiĝi pri la ensemblo de la gotika mondo kaj ties filozofio.
Pro ĉiuj tiuj kialoj, rondiras la ŝerco, ne tute malprava, ke aŭtentika gotikulo neniam sin deklarus «gotika»!
Gotika literaturo |
Pli detalaj informoj troveblas en la artikolo Gotika romano.
Gotika kino |
Pli detalaj informoj troveblas en la artikolo Gotika kino.
Gotika muziko |
Pli detalaj informoj troveblas en la artikolo Gotika muziko.
Gotika modo |
Pli detalaj informoj troveblas en la artikolo Gotika modo.
Piednotoj |
- ↑ 1,01,1El franclingva revuo «D-Side», n-ro 32, januaro 2006, artikolo pri Bauhaus, paĝo 33.
↑ El franclingva revuo «D-Side», n-ro 26, januaro 2005, artikolo pri Dead Can Dance, paĝo 37-38.
↑ [1] El retejo Pollstar
Bildaro |
Gotikulino, tradicia stilo, kun granda hararo.
Longaj haroj kaj nigraj ledaj manteloj estas tipa gota vestmaniero.
Vidu ankaŭ |
D-Side, franclingva gazeto grandparte pri la subkulturo
Eksteraj ligiloj |
- Historio de gotika subkulturo
- http://www.darklinks.com
- http://www.netgoth.org.uk
- http://www.gothic.ru