Noida
The Great India Place Mall.
IT Parko.
Noida, mallongigo de Nova Oĥla Industria Disvolviga Aŭtoritato, estas planita[1] urbo en Barato sub administracio de la Nova Oĥla Industria Disvolviga Aŭtoritato (nomita ankaŭ NOIDA). Ĝi estas parto de la Nacia Ĉefurba Regiono de Barato. Noida venis al administracia ekzisto la 17an de aprilo 1976 kaj celebras la 17an de aprilo kiel "Noida Tago". Ĝi estis kreita kiel parto de urbaniza trusto dum la polemika Urĝa Periodo (1975–1977). Tiu urbo estis kreita laŭ la UP Industria Aredisvolviga Leĝo pro iniciato de Sanjaj Gandhi. La urbo havas la plej altan enspezon por persono en la tuta Nacia Ĉefurba Regiono. La Noida Aŭtoritato estas inter la plej riĉaj urbaj areoj en la lando.[2] Laŭ provizoraj informoj de la Barata Censoservo, la loĝantaro de Noida en 2011 estis 642,381;[3] el kiuj maskloj kaj inoj estas 352,577 kaj 289,804 respektive.[4] Noida estas fama pro elstaraj, arboliniitaj ŝoseoj kaj konsiderata la plej verda urbo de la lando kun ĉirkaŭ 50% de verda ŝirmo, la plej alta el ajna urbo en Barato. [5][6]
Noida estas situanta en la distrikto Gautam Budh Nagar de la subŝtato Utar-Pradeŝo state. La distriktaj administraciaj sidejoj estas en la najbara urbo Granda Noida. Tamen, la distrikta plej alta registara funkciulo, nome la Distrikta Magistrato (DM), sidejas en Noida. La urbo estas parto de la ento Noida Vidhan Sabha (ŝtata asembleo) kaj de Gautam Budha Nagar (Lok Sabha ento). Ministro de Ŝtato por Kulturo, Turismo de Civila Aviado nome Maheŝ Ŝarma de la Partio de la Popolo de Barato estas la nuna MP de Noida.[7][8]
Notoj |
↑ Vibha Chibber: We moved to Noida as it is a planned city. The Times of India.
↑ Purusharth Aradhak, "Infrastructure projects to get a boost with Noida Authority's Rs 8,000 crore budget", Times of India, 27a de januaro 2014
↑ Cities having population 1 lakh and above, Census 2011. Census2011.co.in. Alirita 2014-06-13.
↑ Noida City Population Census 2011 | Uttar Pradesh. Census2011.co.in. Alirita 2014-06-13.
↑ Authority to make atlas to bring Noida on tourist map. The Times of India.
↑ ‘Noida is country’s greenest city, drive to push cover’. The Times of India.
↑ Dr. Mahesh Sharma - Ministry of Culture. indiaculture.nic.in.
↑ Noida’s first MLA has his task cut out. Hindustan Times. Alirita la 2013-07-21.
Eksteraj ligiloj |
- Oficiala retejo de Noida Aŭtoritato
- New Government Housing Scheme
- Affordable Housing Scheme
- Development Authority Scheme
