Bxdty

Elizabeto la 2-a
Reĝino de Unuiĝinta Reĝlando kaj aliaj Landoj de Commonwealth
Elizabeto la 2-a en 2007
Kronado	2-an de junio 1953
Antaŭulo	Georgo la 6-a
Tronheredonto	Karlo, princo de Kimrio
Titoloj	HM The Queen HRH The Princess Elizabeth, Duchess of Edinburgh HRH The Princess Elizabeth HRH Princess Elizabeth of York
Persona informo
Plena nomo	Elizabeth Alexandra Mary
Naskiĝo	21-an de aprilo 1926 (1926-04-21) (92-jara) en Mayfair, Londono, Anglio
Himno	God Save the Queen
Religio	Eklezio de Anglio [#]
Ŝtataneco	Unuiĝinta Reĝlando [#]
Lingvoj	angla lingvo • franca lingvo [#]
Familio
Dinastio	Dinastio Windsor
Patro	Georgo la 6-a
Patrino	Elizabeth Bowes-Lyon
Gefratoj	Princess Margaret, Countess of Snowdon [#]
Edzo	Princo Filipo, Duko de Edinburgo
Idoj	Karlo, princo de Kimrio Princino Anne Princo Andrew, duko de Jorko Princo Edward, grafo de Wessex
[#]	Fonto: Vikidatumoj
v • d • r

Ŝia Reĝina Moŝto, Elizabeto la 2-a de la Unuiĝinta Reĝlando, plennome angle Elizabeth Alexandra Mary WINDSOR [alizabet alegzandra mari ŭinza] (naskiĝis la 21-an de aprilo 1926) estas la nuna reĝino de Britio kaj Nord-Irlando, ektroninte en 1952.

Poŝtmarkoj pri la reĝino; la britaj poŝtmarkoj estas la nuraj en la mondo kiuj rajtas ne montri la nomon de la lando, sed ili devas montri la konturon de la reĝino.

Ŝi estas ankaŭ la reĝino de Antigvo-Barbudo, Aŭstralio, Bahamoj, Barbado, Belizo, Grenado, Jamajko, Kanado, Nov-Zelando, Papuo-Nov-Gvineo, la Salomonoj, Sent-Kristofo kaj Neviso, Sent-Lucio, Sent-Vincento kaj la Grenadinoj, kaj Tuvalo. Elizabeto regas ankaŭ la Komunumon de Nacioj (antaŭe la Brita Komunumo, angle British Commonwealth), kaj ŝi estas la ĉefgubernisto de la Eklezio de Anglio.

Elizabeto estis la pli aĝa filino de reĝo Georgo la 6-a. Ŝi kaj malproksima parenco, Filipo, la duko de Edinburgo, geedziĝis en 1947. Ili havas kvar infanojn: Charles, Anne, Andrew kaj Edward.

La 21-an de aprilo 1926, Princino Elizabeth Alexandra Mary naskiĝis en Londono; ŝi estis edukata private, kaj ŝarĝis sin per oficialaj deĵoroj aĝe 16 jarojn.

Dum la Dua mondmilito ŝi servis en la Auxiliary Territorial Service (Helpa Teritoria Servo), kaj per amendo al la Regenteca Akto ŝi fariĝis ŝtatkonsilanton je ŝia 18-a naskiĝfesto. Je la morto de Georgo la 6-an de februaro 1952, ŝi heredis la tronon dum ŝi estis en Kenjo kun sia edzo, kaj la 2-an de junio 1953 ŝi estis kronata. Ŝi festis la 50-an jaron de sia tronado en 2002, kaj la 60-an en 2012. La 9-an de septembro 2015 ŝi preterpasis la rekordon de Viktoria kaj fariĝis la plej longe tronanta monarĥo en la historio de Britio kaj Anglio.

Ordenoj kaj honorigoj |

Elizabeto la 2-a (Britio) estas kavaliro de la Ordeno de la Blanka Aglo, la plej alta ŝtata honorigo de la Pola Respubliko.

Elizabeto la 2-a (Britio) estas portanto de la Ordeno de la Blanka Leono, la plej alta ŝtata honorigo de Ĉeĥio (antaŭ 1993 de Ĉeĥoslovakio).

Vidu ankaŭ |

• Elizabeta serenado