Adda
Ĉi tiu artikolo temas pri rivero en Italio. Por informoj pri la reĝo de Bernicio, vidu la paĝon Adda de Bernicio.| Adda | |
|---|---|
 | |
| Bazaj informoj | |
Longeco | 313 km |
Akvokolekta areo | 7 979 km² |
Averaĝa trafluo | 187 m³/s |
| Fluo | |
- Alteco super marnivelo | 2 237 m |
Enfluejo | Pado, inter la urbetoj Castelnuovo Bocca d'Adda (LO) kaj Spinadesco (CR) |
- Alteco | 32 m |
| Geografio | |
Alfluantoj | - |
Adda estas rivero en Lombardio, en la norda Italio.
Ĝia fonto estas apud Livigno, tre proksime al la landlimo inter Italio kaj Svislando; gravas ankaŭ, en la komenca parto de la rivero, mallongaj sed akvoriĉaj alfluantoj el Forno- kaj Palü-Glaĉero en Kantono Grizono, Svislando. Tamen, Adda mem fluas nur en Italio kaj nur en Lombardio.
Adda en Brivio
La unua parto de Adda fluas okcidenten tra longa kaj mallarĝa valo nomata Valtelino; Bormio, Tirano kaj Sondrio estas la ĉefaj urbetoj en tiu areo. Poste Adda turniĝas suden kaj estigas la Lagon de Komo, kiu alprenis sian nomon de la urbo Komo, la plej grava el la urboj tuŝataj de la rivero. Adda tamen elfluas el la lago ĉe Lecco kaj trafluas la ebenaĵon oriente de Milano (ĝis ĉirkaŭ 20 km de ĝi). Post Lodi Adda fluas sudorienten kun multaj kurbiĝoj kaj fine enfluas en Padon kelkajn kilometrojn okcidente de Cremona.
Adda estas la kvara itala rivero laŭ longeco.
